काठमाडौं, १३ साउन । नेपाली कांग्रेसका सभापति गगनकुमार थापाले सुनसरी घटनाको सन्दर्भमा सरकारको भूमिका र उपस्थितिमाथि प्रश्न उठाउँदै प्रधानमन्त्रीले तत्काल सर्वदलीय बैठक बोलाएर राष्ट्रिय समस्या समाधानका लागि साझा पहल गर्नुपर्ने बताएका छन् ।
रास्वपा सभापति रवि लामिछानेको आह्वानमा सिंहदरबारमा बसेको सर्वदलीय बैठकपछि सञ्चारकर्मीसँग कुरा गर्दै थापाले सरकार समन्वयकारी र नेतृत्वदायी भूमिकामा देखिन नसकेको टिप्पणी गरे ।
उनले सरकार गोली र सामाजिक सञ्जालका सन्देशमा मात्र सीमित हुन नहुने भन्दै प्रदेश, स्थानीय सरकार र सबै राजनीतिक दलसँग सहकार्य गरेर सामाजिक सद्भाव कायम गर्नुपर्नेमा जोड दिए ।
थापाले रास्वपाले समयमै सर्वदलीय बैठक बोलाएको भन्दै धन्यवाद व्यक्त गर्दै यस्ता बैठक केन्द्रसँगै स्थानीय तहमा पनि आवश्यक रहेको बताए ।
