काठमाडौं, १२ साउन । लघुवित्त तथा वित्तीय संस्थाबाट पीडित एक समूहले आफ्ना माग कार्यान्वयनको दबाब दिन काठमाडौंको माइतीघर मण्डलामा सामूहिक आमरण अनशन सुरु गरेको घोषणा गरेको छ ।
समितिले चर्को तथा चक्रवृद्धि ब्याज, धितो लिलामी र गैरकानुनी असुलीका कारण विपन्न, किसान र मजदुरहरू पीडित भएको जनाएको छ ।
सरकारसँग भएका सहमति कार्यान्वयन नभएकाले बाध्य भएर आमरण अनशनमा बस्नुपरेको उनीहरूको भनाइ छ ।
संघर्ष समितिले आफ्ना माग औपचारिक रूपमा सम्बोधन नभएसम्म आमरण अनशनसहितका आन्दोलनका कार्यक्रम जारी रहने चेतावनी दिएको छ ।
