काठमाडौं, १२ साउन । वीरगन्जस्थित नारायणी अस्पतालका चिकित्सकहरूले अस्पतालमा भएको तोडफोड, चिकित्सकमाथिको कुटपिट तथा त्यसपछिको घटनामा प्रशासनले दुव्र्यवहार गरेको आरोप लगाउँदै सामूहिक राजीनामा दिएका छन् ।
करिब ७० चिकित्सकमध्ये ४० जना चिकित्सकले राजीनामा बुझाइसकेका छन् भने बाँकीले पनि राजीनामा दिने तयारी गरेका छन् । चिकित्सकहरूले प्रमुख जिल्ला अधिकारी -सीडीओ) र जिल्ला प्रहरी प्रमुख -एसपी) को राजीनामा माग्दै उनीहरू पदमा रहुञ्जेल काममा नफर्किने अडान लिएका छन् ।
आन्दोलनका कारण नारायणी अस्पतालको आकस्मिक बाहेकका सेवा प्रभावित भएका छन् । यता नेपाल चिकित्सक संघले पनि चिकित्सकमाथिको आक्रमण र प्रशासनको व्यवहारको विरोध गर्दै मंगलबार देशभर आकस्मिक बाहेकका सबै स्वास्थ्य सेवा बन्द गर्ने घोषणा गरेको छ ।
संघले दोषीलाई तत्काल पक्राउ गरी कडा कारबाही र चिकित्सकका लागि सुरक्षित कार्य वातावरण सुनिश्चित गर्न सरकारसँग माग गरेको छ ।
