जनकपुर, ११ साउन । सुनसरीको देवानगञ्ज–३ स्थित कप्तानगञ्जमा भएको हिंसात्मक घटनाको विरोधमा जनकपुरमा प्रदर्शन गरिएको छ ।
प्रदर्शनका क्रममा आक्रोशित प्रदर्शनकारीहरूले प्रधानमन्त्री बालेन शाह र उनका प्रमुख राजनीतिक सल्लाहकार असिम शाहको तस्वीर जलाएका छन् ।
जनकपुरको रामानन्द चोकमा भेला भएका प्रदर्शनकारीहरूले सरकारविरुद्ध नाराबाजी गर्दै सुनसरी घटनामा निष्पक्ष छानबिन, दोषीमाथि कारबाही तथा पीडितलाई न्यायको माग गरेका थिए ।
उनीहरूले प्रधानमन्त्री बालेन शाह र प्रमुख राजनीतिक सल्लाहकार असिम शाहको तस्वीर जलाएर सरकारप्रति असन्तुष्टि जनाएका हुन् ।
प्रदर्शनका क्रममा सहभागीहरूले सरकार घटनाप्रति गम्भीर बन्नुपर्ने, शान्ति–सुरक्षा कायम गर्न प्रभावकारी कदम चाल्नुपर्ने र धार्मिक तथा साम्प्रदायिक सद्भाव कायम राख्न आग्रह गरेका थिए ।
सुनसरीको कप्तानगञ्जमा आइतबार भएको झडपमा सुरक्षाकर्मीको गोली लागेर एक जनाको मृत्यु भएको थियो भने स्थानीय र सुरक्षाकर्मीसहित दुई दर्जनभन्दा बढी व्यक्ति घाइते भएका थिए ।
