काठमाडौं, १० साउन । नेपाली कांग्रेसका मन्त्रीहरूले आज लुम्बिनी प्रदेश सरकारबाट सामूहिक राजीनामा दिने भएका छन् ।
एमाले र नेकपाबीच सातै प्रदेशमा सत्ता सहकार्य गर्ने सहमतिपछि कांग्रेस सरकारबाट बाहिरिन लागेको हो । कांग्रेस केन्द्रीय समितिले यसअघि नै एमालेसँगको सत्ता सहकार्य अन्त्य गर्ने निर्णय गरे पनि लुम्बिनीका कांग्रेस मन्त्रीहरूले राजीनामा दिएका थिएनन् ।
शनिबार एमाले–नेकपाबीच लिखित सहमति भएपछि उनीहरूमाथि सरकार छाड्ने नैतिक दबाब बढेको हो । मुख्यमन्त्री चेतनारायण आचार्य नेतृत्वको सरकारमा रहेका कांग्रेसका पाँच मन्त्रीले पार्टीको निर्देशनअनुसार राजीनामा दिने बताएका छन् ।
८३ सदस्यीय लुम्बिनी प्रदेशसभामा एमालेका २९ र नेकपाका १३ -सभामुखसहित) सांसद छन् । दुवै दलको गठबन्धनसँग बहुमत पुग्ने भएकाले कांग्रेस बाहिरिएपछि नयाँ सत्ता समीकरणअनुसार सरकार सञ्चालन हुने निश्चितजस्तै भएको छ ।
