काठमाडौं, ८ साउन । नेकपा -माओवादी केन्द्र) का अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले वर्तमान सरकारविरुद्ध संसद्, सडक र आगामी निर्वाचनमार्फत लोकतान्त्रिक ढंगले संघर्ष गर्न कार्यकर्तालाई आह्वान गरेका छन् ।
शुक्रबार काठमाडौंमा आयोजित ४८औँ पुष्पलाल स्मृति दिवसको कार्यक्रमलाई सम्बोधन गर्दै उनले राष्ट्रिय स्वाधीनताको रक्षा र जनअधिकारका पक्षमा वामपन्थी तथा लोकतान्त्रिक शक्तिहरू एकजुट हुनुपर्ने बताए ।
त्यसका लागि साझा न्यूनतम कार्यक्रम बनाएर अघि बढ्नुपर्नेमा उनले जोड दिए प्रचण्डले नयाँ पुस्तामा वैचारिक प्रशिक्षणको कमीका कारण कम्युनिष्ट आन्दोलन कमजोर भएको स्वीकार गर्दै सत्ता समीकरणभन्दा वैचारिक सुदृढीकरणमा ध्यान दिनुपर्ने बताए ।
साथै, आफ्नो पार्टीको प्राथमिकता सरकार गठन नभई जनताको पक्षमा राजनीतिक संघर्ष रहेको पनि स्पष्ट पारे ।
