काठमाडौं, ८ साउन । न्यायको माग गर्दै सिंहदरबारको मुख्य प्रवेशद्वार अगाडि धर्ना दिएका निहारिका राजपुत र बिनु यादवविरुद्ध सार्वजनिक शान्तिविरुद्धको कसुरमा मुद्दा दर्ता गरिएको छ ।
गत बुधबार पक्राउ परेका उनीहरूलाई जिल्ला प्रशासन कार्यालय काठमाडौंको अनुमति लिएर अनुसन्धानका लागि प्रहरी वृत्त सिंहदरबारको हिरासतमा राखिएको छ ।
जिल्ला प्रहरी परिसर काठमाडौंका प्रवक्ता एसपी पवनकुमार भट्टराईका अनुसार सडक अवरुद्ध गरी सार्वजनिक शान्तिमा खलल पु¥याएको आरोपमा अनुसन्धान भइरहेको छ ।
निहारिका र बिनु दुवैले आफूहरूमाथि भएको घरेलु हिंसा, अन्याय र कानुनी प्रक्रियामा भएको बेवास्ताविरुद्ध लामो समयदेखि न्यायको माग गर्दै आएका छन् ।
गृहमन्त्रीलाई भेटेर आफ्ना माग राख्न सिंहदरबार पुगेका उनीहरूलाई प्रवेश गर्न नदिएपछि गेट बाहिर धर्ना दिएका थिए ।
