सिरहा, ८ साउन । गुडिरहेको मोटरसाइकलको पछाडि उभिएर भिडियो बनाएको दृश्य सामाजिक सञ्जालमा भाइरल भएपछि रास्वपा सांसद बब्लु गुप्तालाई ट्राफिक प्रहरीले ५ सय रुपैयाँ जरिबाना गरेको छ।
सिरहा–१ बाट निर्वाचित गुप्ता आफैं जिल्ला ट्राफिक प्रहरी कार्यालय, लहान पुगेर जरिबाना तिरेका हुन्। सार्वजनिक पदमा रहेर ट्राफिक नियम उल्लंघन गरेको भन्दै उनको व्यापक आलोचना भएको थियो।
घटनापछि गुप्ताले सामाजिक सञ्जालमार्फत आफ्नो गल्ती स्वीकार गर्दै क्षमायाचना गरेका छन्। उनले रमाइलोका क्रममा नियम उल्लंघन भएको स्वीकार गर्दै आगामी दिनमा यस्ता गल्ती नदोहोर्याउने प्रतिबद्धता जनाएका छन्।
