काठमाडौं, ५ साउन । काठमाडौंको कीर्तिपुरस्थित ट्यांग्लाफाँट चाँदनी चोकमा पार्किङ गरेर राखिएको गाडीमा मंगलबार बिहान आगलागी हुँदा गाडीभित्र रहेका एक जनाको मृत्यु भएको छ ।
जिल्ला प्रहरी परिसर काठमाडौंका प्रमुख एसएसपी दिलीप घिमिरेका अनुसार बिहान करिब ११ः२० बजे बा ५ च ३०३८ नम्बरको गाडीमा अचानक आगलागी भएको हो ।
आगो लागेका बेला चालकको सिटमा रहेका एक व्यक्तिको घटनास्थलमै मृत्यु भएको प्रहरीले जनाएको छ । मृतकको हालसम्म पहिचान खुल्न सकेको छैन । आगलागीको कारणबारे अनुसन्धान भइरहेको प्रहरीले जनाएको छ ।
