काठमाडौं,४ साउन । सरकारले चालू आर्थिक वर्षभर कुनै पनि सरकारी कार्यालयमा नयाँ स्थायी कर्मचारी भर्ना नगर्ने निर्णय गरेको छ ।
मुख्यसचिव गोविन्दबहादुर कार्कीको अध्यक्षतामा सोमबार बसेको सचिवहरूको बैठकले प्रधानमन्त्री तथा मन्त्रिपरिषद्को कार्यालयको स्वीकृतिबिना कुनै पनि कार्यालयले लोक सेवा आयोगमा स्थायी पदपूर्तिका लागि माग नगर्ने निर्णय गरेको हो ।
सरकारले मन्त्रालयको संख्या २२ बाट १८ मा झारेको, विभिन्न निकाय गाभिएको तथा नयाँ संगठन तथा व्यवस्थापन -इ७ः) सर्वेक्षणपछि फाजिलमा पर्ने कर्मचारीको व्यवस्थापन गर्नुपर्ने भएकाले नयाँ भर्ना प्रक्रिया रोकिएको जनाएको छ ।
यस निर्णयले सरकारी सेवाको तयारी गरिरहेका उम्मेदवारहरू प्रभावित हुने भएका छन् ।
