काठमाडौँ, ३ साउन । राजधानीको टेकुस्थित काठमाडौँ महानगरपालिकाको फोहरमैला संकलन केन्द्र नजिक लागुऔषध नियन्त्रणका क्रममा प्रहरीले गोली चलाएको छ।
घटनामा एक भारतीय नागरिक घाइते भएका छन् । प्रहरीका अनुसार लागुऔषध कारोबार भइरहेको सूचनाका आधारमा प्रहरीको लागुऔषध नियन्त्रण ब्यूरोको टोली उक्त स्थानमा पुगेको थियो ।
त्यसक्रममा टोलीमाथि आक्रमणको प्रयास भएपछि प्रहरीले आत्मरक्षाका लागि गोली चलाएको ब्यूरोका एक अधिकारीले जानकारी दिए । गोली लागेर घाइते भएका भारतीय नागरिकलाई उपचारका लागि अस्पताल लगिएको छ।
प्रहरीले घटनास्थलबाट घाइतेसहित तीन जनालाई पक्राउ गरेको जनाएको छ । घटनाका सम्बन्धमा थप अनुसन्धान भइरहेको प्रहरीले जनाएको छ ।
