काठमाडौं, ३ साउन । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ श्रीलंकाको तीनदिने भ्रमण पूरा गरी आइतबार स्वदेश फर्किएका छन् ।
उनी इन्टरनेशनल पिपुल्स एसेम्बलीको आयोजनामा कोलम्बोमा भएको कम्युनिस्ट, समाजवादी तथा प्रगतिशील शक्तिहरूको अन्तर्राष्ट्रिय कार्यक्रममा सहभागी भएका थिए ।
भ्रमणमा प्रचण्डसँगै पार्टीका नेताहरू बलराम बास्कोटा, बलदेव चौधरी, दामा शर्मा, माधव पन्त र गङ्गा दाहाल पनि सहभागी थिए । प्रचण्डको स्वदेश फिर्तीसँगै प्रदेश सरकारको सम्भावित नयाँ राजनीतिक समीकरणबारे चर्चा समेत बढेको छ ।
