रसुवा, ३ साउन । गत वर्ष ल्हेन्दे खोलाको बाढीबाट क्षतिग्रस्त भएको नेपाल–चीन व्यापारको प्रमुख मार्ग स्याफ्रुबेसी–रसुवागढी सडक चीन सरकारको सहयोगमा पुनर्निर्माण र दुई लेनमा स्तरोन्नति भइरहेको छ ।
निर्माणका कारण वर्षायाममा सडक हिलाम्मे र साँघुरो बनेकाले कन्टेनर तथा मालवाहक ट्रक सञ्चालनमा कठिनाइ भइरहेको छ । सडकमा रिटेनिङ वाल, कल्भर्ट र पहिरो नियन्त्रणका संरचना निर्माण भइरहेका छन् ।
निर्माण सम्पन्न भएपछि दुईतर्फी सवारी आवागमन सहज, सुरक्षित र प्रभावकारी हुने तथा नेपाल–चीन व्यापार, पर्यटन र रसुवागढी नाकाको आपूर्ति व्यवस्थामा उल्लेखनीय सुधार आउने अपेक्षा गरिएको छ ।
यसैबीच वर्षायाममा हिलो र पहिरोको जोखिम रहेकाले चालकलाई सतर्कता अपनाउन आग्रह गरिएको छ ।
