जनकपुर, ३२ असार । नेकपा एमालेका पूर्वसांसद लक्ष्मी महतो कोइरी सर्वोच्च अदालतको आदेशपछि थुनामुक्त भएका छन् ।
बन्दी प्रत्यक्षीकरण रिटमाथि सुनुवाइ गर्दै सर्वोच्च अदालतले उनलाई तत्काल कारागारबाट रिहा गर्न आदेश दिएसँगै उनी जलेश्वर कारागारबाट मुक्त भएका हुन् ।
न्यायाधीशद्वय श्रीकान्त पौडेल र कुमार रेग्मीको संयुक्त इजलासले गत १९ असारमा जारी गरिएको कैदी पुर्जी कानुनसम्मत नरहेको ठहर गर्दै रिहाइको आदेश दिएको हो ।
यसअघि थमनविक हत्या प्रकरणमा उच्च अदालत जनकपुरले कोइरीलाई पाँच वर्ष कैद सजाय सुनाएको थियो ।
फैसला भएको भोलिपल्टै उनलाई पक्राउ गरी जलेश्वर कारागार चलान गरिएको थियो । सर्वोच्चको पछिल्लो आदेशसँगै उनी हालका लागि थुनामुक्त भएका छन् ।
