रौतहट, ३१ असार । रौतहटको गरुडा नगरपालिका–९ गम्हरियाका २८ वर्षीय गौतम कुमार सहनीले आफ्नै शरीरमा पेट्रोल छर्केर आत्मदाहको प्रयास गरेका छन् ।
मानसिक तनाव र डिप्रेसनमा रहेका उनले मंगलबार राति आगो लगाएको प्रहरीले जनाएको छ । घाइते सहनीको गरुडास्थित बेटर नेपाल अस्पतालमा प्राथमिक उपचारपछि थप उपचारका लागि काठमाडौंको कीर्तिपुर बर्न अस्पताल रिफर गरिएको छ ।
प्रहरीका अनुसार उनको घाँटीदेखि तलसम्म शरीरको करिब ३१.५ प्रतिशत भाग जलेको छ । घटनाबारे थप अनुसन्धान भइरहेको प्रहरीले जनाएको छ ।
