काठमाडौं, ३१ असार । प्रधानमन्त्री बालेन्द्र शाहले सरकारले पर्यटन प्रवद्र्धनका लागि द्रुत गतिमा काम सुरु गरेको भन्दै निजी क्षेत्रसँग सहकार्यलाई प्राथमिकता दिने बताएका छन् ।
होटल एसोसिएसन नेपाल हान सँगको छलफलमा उनले होटल व्यवसायीलाई कानुन पालना गर्दै करको दायरामा आउन र सार्वजनिक निजी साझेदारी (पीपीपी) मोडलमार्फत पर्यटन विकासमा सहकार्य गर्न आग्रह गरे ।
छलफलमा हानले नेपालका होटल वार्षिक ४० लाख पर्यटकलाई सेवा दिन सक्षम रहेको जनाउँदै बिजुली महसुलमा सहुलियत, वातावरणीय अध्ययनको सीमा ५० बेडसम्म पुयाउने, पोखरा र भैरहवा विमानस्थल पूर्ण सञ्चालन, नेपाल एयरलाइन्स सुधार तथा पर्यटनसम्बन्धी नीतिगत संशोधनको माग गरेको छ ।
व्यवसायीले आरोग्य पर्यटन, डेस्टिनेसन वेडिङ र क्रस बोर्डर पर्यटनको प्रवद्र्धनमा सरकारले विशेष ध्यान दिनुपर्नेमा जोड दिएका छन् ।
