काठमाडौं, २७ असार । काठमाडौंको बुद्धनगरमा शनिबार बिहान आत्मदाहको प्रयास गरेका ४५ वर्षीय आश्विन राउतको उपचारका क्रममा निधन भएको छ ।
घरको भान्सा कोठाभित्र आफूमाथि आगो लगाएका राउतलाई प्रहरीले तत्काल उद्धार गरी वीर अस्पताल पु¥याएको थियो । उनको अस्पतालको सघन उपचार कक्ष -आईसीयू) मा उपचार भइरहेको थियो ।
जिल्ला प्रहरी परिसर काठमाडौंका एसपी पवन भट्टराईका अनुसार उपचारकै क्रममा राउतको केहीबेरअघि मृत्यु भएको हो । प्रहरीका अनुसार घटनामा राउतको शरीरको ५० प्रतिशतभन्दा बढी भाग जलेको थियो ।
उनी बुद्धनगरमा श्रीमती र छोरासँग बसोबास गर्दै आएका थिए । आत्मदाहको प्रयास गर्नुको वास्तविक कारण भने हालसम्म खुल्न नसकेको प्रहरीले जनाएको छ। घटनाबारे थप अनुसन्धान भइरहेको छ ।
