काठमाडौं, २७ असार । सर्लाहीको गोडैता नगरपालिका निवासी २५ वर्षीय विवेक मण्डलले आत्मदाहको प्रयास गरेपछि उनको अवस्था अत्यन्तै चिन्ताजनक बनेको छ ।
शुक्रबार हेलिकप्टरमार्फत काठमाडौं ल्याइएका मण्डलको कीर्तिपुरस्थित बर्न अस्पतालको आईसीयूमा उपचार भइरहेको छ । चिकित्सकका अनुसार उनको शरीरको ८५ प्रतिशत भाग गहिरोसँग जलेको छ ।
उनले शुक्रबार घरबाट करिब २०० मिटर टाढा गएर शरीरमा पेट्रोल खन्याई आगो लगाएका थिए । घटनाको कारणबारे अनुसन्धान भइरहेको छ ।
