काठमाडौं, २७ असार । काठमाडौंको बुद्धनगरमा ४५ वर्षीय आश्विन राउतले शनिबार बिहान आफ्नै घरको भान्सा कोठामा शरीरमा आगो लगाएर आत्मदाहको प्रयास गरेका छन् ।
बिहान करिब ६:१५ बजे भएको घटनापछि प्रहरीले उनलाई उद्धार गरी वीर अस्पतालमा उपचारका लागि पठाएको छ ।
चिकित्सकका अनुसार उनको शरीरको करिब ५० प्रतिशत भाग जलेको छ । घटनाको कारण खुल्न नसकेको प्रहरीले जनाएको छ ।
घटनाका बेला उनकी श्रीमती र छोरा घरमा थिएनन् भने अघिल्लो दिन छोरासँग केही छलफल भएको जानकारी छिमेकीले दिएका छन् ।
