सर्लाहीमा पेट्रोल खन्याएर आत्मदाह प्रयास, काठमाडौं रिफर

सर्लाही, २६ असार । सर्लाहीको गोडैता नगरपालिकाका २५ वर्षीय विवेक मण्डलले आफ्नै शरीरमा पेट्रोल खन्याएर आत्मदाहको प्रयास गरेका छन् ।

घरपरिवारसँगको विवादपछि घरबाट करिब २ सय मिटर टाढा गएर उनले आगो लगाएको प्रारम्भिक अनुसन्धानबाट खुलेको प्रहरीले जनाएको छ ।

गम्भीर घाइते भएका उनलाई नेपाली सेनाको हेलिकप्टरमार्फत थप उपचारका लागि काठमाडौं पठाइएको जिल्ला प्रहरी कार्यालयले जनाएको छ ।