काठमाडौं, २६ असार । सर्लाहीको गोडैता नगरपालिकामा एक युवकले आफ्नै शरीरमा पेट्रोल खन्याएर आत्मदाहको प्रयास गरेका छन्।
मधेश प्रदेश प्रहरी कार्यालयका डीआईजी ओम अधिकारीका अनुसार गोडैता नगरपालिकाका ३५ वर्षीय विवेक मण्डलले उक्त प्रयास गरेका हुन्।
घटनामा उनको शरीरको ठूलो भाग जलेको जिल्ला प्रहरी कार्यालयले जनाएको छ।
यस घटनाबारे राष्ट्रिय स्वतन्त्र पार्टीका सांसद अमरेशकुमार सिंहले पनि सामाजिक सञ्जालमार्फत जानकारी सार्वजनिक गरेका छन्।
