काठमाडौं, २६ असार । काठमाडौंको त्रिपुरेश्वरस्थित राहदानी विभाग अगाडि पेट्रोल छर्केर आत्मदाह प्रयास गरेका मुगुको सोरु गाउँपालिका–१ का २५ वर्षीय गणेश नेपालीको उपचारका क्रममा वीर अस्पतालमा मृत्यु भएको छ ।
शरीरको करिब ६० प्रतिशत भाग जलेका नेपालीको भेन्टिलेटरमा राखेर २१ सदस्यीय चिकित्सक टोलीले उपचार गरिरहेको थियो।
आगोले अनुहार, टाउको, घाँटीलगायत शरीरका महत्वपूर्ण भागमा गम्भीर क्षति पुर्याएका कारण उनको अवस्था अत्यन्त जटिल बनेको थियो।
काठमाडौं प्रहरी परिसरले उपचारकै क्रममा उनको निधन भएको पुष्टि गरेको छ। नेपालीले बिहीबार राहदानी विभाग अगाडि पेट्रोल छर्केर आत्मदाहको प्रयास गरेका थिए।
