जनकपुर, २५ असार । मिटरब्याज पीडितहरूले ६ बुँदे मागसहित जनकपुरको तिरहुतियागाछीबाट काठमाडौंका लागि पैदल मार्च सुरु गरेका छन् ।
मिटरब्याजविरुद्ध किसान मजदुर आन्दोलन नेपालÚ को नेतृत्वमा सुरु भएको मार्चमा पीडितहरूले फर्जी तमसुक, दृष्टिबन्धक, रजिस्ट्रेसन र चेकलगायतका लिखत खारेज गर्न, प्रभावकारी कानुन निर्माण, विशेष न्यायाधिकरण गठन र पीडितलाई न्याय दिन माग गरेका छन् ।
उनीहरूले विगतमा सरकारसँग भएका सहमति कार्यान्वयन नभएको भन्दै काठमाडौं पुगेर सशक्त आन्दोलन गर्ने बताएका छन्।
पीडितहरूले दैनिक २० देखि २५ किलोमिटर पैदल यात्रा गर्ने र बाटोमा अन्य पीडितहरू पनि सहभागी हुँदै जाने बताएका छन् ।
