काठमाडौं, १७ असार। नेपाल आयल निगमले काठमाडौं र पोखराका १४ वटा पेट्रोल पम्पमा लगाएको ताला खोलेको छ। निगमका अनुसार इन्धन आपूर्ति सहज भएसँगै पेट्रोलियम पदार्थको बिक्री वितरण अब सामान्य अवस्थामा फर्किएको छ।
पेट्रोलियम पदार्थको मूल्य घटेपछि केही पम्पले बिक्री रोकेको गुनासो आएपछि निगमले अनुगमन गरी १४ वटा पम्पमा अस्थायी रूपमा ताला लगाएको थियो। पछि इन्धन मौज्दात नभएको पुष्टि भएपछि पुनः आपूर्ति गरिएकाले सबै पम्प सञ्चालनमा ल्याइएको निगमले जनाएको छ।
