काठमाडौं, ८ असार । चालु आर्थिक वर्ष २०८२/८३ को ११ महिनामा नेपालले ३७ अर्ब ८३ करोड रुपैयाँभन्दा बढी मूल्यको ७ लाख ११ हजार ५२० टन धान–चामल आयात गरेको छ ।
भन्सार विभागका अनुसार अघिल्लो वर्षको तुलनामा कुल आयात रकम र परिमाणमा सामान्य कमी आए पनि तयारी चामल, बासमती चामल, धानको बिउ, कनिका र ब्राउन राइसको आयात बढेको छ ।
कच्चा धान आयात भने उल्लेख्य रूपमा घटेको छ । तथ्यांकले स्वदेशमा धान प्रशोधनभन्दा विदेशबाट तयारी चामल आयात गर्ने प्रवृत्ति बढ्दै गएको देखाएको छ । .
यस अवधिमा धान–चामल आयातबाट संकलित राजस्व पनि घटेर २ अर्ब ६१ करोड रुपैयाँमा सीमित भएको छ ।
