जनकपुर, ५ असार । महोत्तरीको सोनमा गाउँपालिकाका प्रमुख प्रशासकीय अधिकृत श्रीदेव यादवविरुद्ध ७२ हजार रुपैयाँ घुस लिएको आरोपमा भ्रष्टाचार मुद्दा दायर गरिएको छ ।
अख्तियार दुरुपयोग अनुसन्धान आयोगले सडक ढलान योजनाको भुक्तानी प्रक्रिया अगाडि बढाउने क्रममा सेवाग्राहीसँग घुस मागी लिएको आरोपमा यादवविरुद्ध शुक्रबार विशेष अदालतमा आरोपपत्र दायर गरेको जनाएको छ ।
आयोगका अनुसार बर्दिवासस्थित टोलीले यादवलाई सेवाग्राहीबाट ७२ हजार रुपैयाँ घुस लिइसकेको अवस्थामा नियन्त्रणमा लिएको थियो ।
अनुसन्धानपछि भ्रष्टाचार निवारण ऐन, २०५९ अन्तर्गत बिगो ७२ हजार रुपैयाँ कायम गरी कैद र जरिवानाको मागदाबीसहित मुद्दा दायर गरिएको छ ।
