काठमाडौँ, ४ असार । प्रतिनिधिसभाले आगामी आर्थिक वर्ष २०८३/८४ का लागि प्रस्तुत विनियोजन विधेयक, २०८३ बहुमतले पारित गरेको छ ।
बिहीबार बसेको बैठकमा अर्थमन्त्री डा. स्वर्णिम वाग्लेले पेश गरेको विधेयक पारित गर्ने प्रस्ताव बहुमतले स्वीकृत गरेको हो । विधेयक पारित हुनुअघि दफा २ देखि ११ सम्ममाथि विभिन्न सांसदहरूले दर्ता गराएका खर्च कटौती प्रस्तावहरू भने बहुमतले अस्वीकृत भएका थिए ।
मन्त्रालयगत बजेटमाथि असार १ र २ गते छलफल भएको थियो भने सांसदहरूले उठाएका प्रश्नको जवाफ सम्बन्धित मन्त्रीहरूले दिएका थिए । प्रतिनिधिसभाको अर्को बैठक असार ५ गते शुक्रबार बिहान ११ बजे बस्नेछ ।
