काठमाडौं, ४ असार । नेपाली कांग्रेसले अख्तियार दुरुपयोग अनुसन्धान आयोगका पदाधिकारीलाई प्रधानमन्त्री तथा मन्त्रिपरिषद्को कार्यालयमा थुनेर पक्राउ पुर्जी जारी गर्न दबाब दिइएको भन्ने विषयमा संसद्मा प्रश्न उठाएको छ ।
प्रतिनिधिसभा बैठकमा कांग्रेस सांसद नरेन्द्रकुमार केरुङले उक्त आरोप सत्य भए निष्पक्ष छानबिनका लागि संसदीय समिति गठन गर्नुपर्ने माग गरे ।
साथै, यस विषयमा प्रधानमन्त्रीले संसद्लाई स्पष्ट जानकारी गराउनुपर्ने र सभामुखले आवश्यक रुलिङ गर्नुपर्ने उनको भनाइ थियो ।
