काठमाडौं, ३ असार । प्रतिनिधिसभाको बैठकमा श्रम संस्कृति पार्टीका सांसदहरूले बेल घेराउ गर्दै विरोध जनाएका छन् ।
विनियोजन विधेयक, २०८३ अन्तर्गत विभिन्न मन्त्रालयको बजेट शीर्षकमाथि भएको छलफलका क्रममा उद्योग, वाणिज्य तथा आपूर्ति मन्त्रीले सांसदहरूले उठाएका प्रश्नको पर्याप्त जवाफ नदिएको आरोप लगाउँदै उनीहरूले विरोध प्रदर्शन गरेका हुन् ।
बैठक चलिरहेका बेला श्रम संस्कृति पार्टीका सांसदहरू आफ्नो आसनबाट उठेर सभामुखको आसन अगाडिको बेल क्षेत्रमा पुगेका थिए। उनीहरूले मन्त्रीले संसदमा उठाइएका जिज्ञासा र प्रश्नहरूको स्पष्ट जवाफ दिनुपर्ने माग राख्दै विरोध जनाएका थिए ।
सांसदहरूको विरोधपछि सभामुख डीपी अर्याल ले हस्तक्षेप गर्दै संसद्को मर्यादा र संसदीय आचरण कायम राख्न आग्रह गरेका थिए । बुधबारको बैठकमा पनि सोही विषयलाई लिएर केही समय तनावपूर्ण अवस्था सिर्जना भएको थियो ।
