जनकपुर, १ असार । मधेश प्रदेश सरकारले आगामी आर्थिक वर्ष २०८३/८४ का लागि ४१ अर्ब १३ करोड ८६ लाख रुपैयाँको बजेट सार्वजनिक गरेको छ ।
अघिल्लो वर्षको तुलनामा करिब ६ अर्ब रुपैयाँ कम रहेको यो बजेटमा ३५.५३ प्रतिशत चालु र ६४.३६ प्रतिशत पुँजीगत खर्च विनियोजन गरिएको छ ।
अर्थमन्त्री युवराज भट्टराईका अनुसार बजेटका लागि आन्तरिक राजस्व, संघीय राजस्व बाँडफाँड, वित्तीय अनुदान, मौज्दात रकम तथा आन्तरिक ऋणमार्फत स्रोत व्यवस्थापन गरिनेछ ।
प्रदेश सरकारले आन्तरिक राजस्वबाट ११ अर्ब २२ करोड रुपैयाँ संकलन गर्ने लक्ष्य लिएको छ भने संघीय सरकारबाट १७ अर्ब ५९ करोड रुपैयाँभन्दा बढी अनुदान प्राप्त हुने अनुमान गरिएको छ ।
