जनकपुर, १ असार । मधेश प्रदेश सरकारले आगामी आर्थिक वर्ष २०८३/८४ को बजेटमार्फत सरकारी कर्मचारीको तलब १० प्रतिशत वृद्धि गर्ने घोषणा गरेको छ ।
साथै कार्यसम्पादनका आधारमा १० प्रतिशतसम्म प्रोत्साहन भत्ता प्रदान गरिने व्यवस्था गरिएको छ । अर्थमन्त्री युवराज भट्टराईले सरकारी कार्यालयमा हुने ढिलासुस्तीका कारण सेवाग्राहीलाई परेको असरबापत क्षतिपूर्ति दिने व्यवस्था गरिने बताए।
यसका लागि हेल्लो सीएम एप र हेल्लो मुख्यमन्त्री टोल फ्री नम्बर सञ्चालनमा ल्याइनेछ ।
बजेटमा १८ देखि ३५ वर्ष उमेर समूहका युवाका लागि १०० दिने रोजगार ग्यारेन्टी कार्यक्रम, प्रदेश प्रहरी भर्नाका लागि बजेट विनियोजन तथा मुख्यमन्त्री बेटी पढाउ, बेटी बचाउ कार्यक्रमलाई परिमार्जन गर्ने व्यवस्था पनि समावेश गरिएको छ ।
