काठमान्डौ, २४ जेठ । विश्व खाद्य स्वच्छता दिवसको अवसरमा स्वास्थ्य तथा खाद्य स्वच्छतामन्त्री निशा मेहता ले खाद्यजन्य रोग जनस्वास्थ्यका लागि गम्भीर चुनौती रहेकाले त्यसको नियन्त्रण तथा जनस्वास्थ्य सुधारमा सरकार प्रतिबद्ध रहेको बताएकी छन् ।
शुभकामना सन्देश जारी गर्दै उनले खाद्य स्वच्छता तथा गुणस्तर ऐन, २०८१ को प्रभावकारी कार्यान्वयन, खाद्य परीक्षण प्रयोगशालाको सुदृढीकरण, जोखिममा आधारित बजार अनुगमन तथा नीतिगत सुधारलाई सरकारले प्राथमिकता दिएको उल्लेख गरिन् ।
उत्पादनदेखि उपभोगसम्म खाद्य स्वच्छता कायम गर्न असल कृषि तथा उत्पादन अभ्यास अपनाउनुपर्नेमा उनले जोड दिइन् ।
मन्त्री मेहताले स्वच्छ खानपानले गुणस्तरीय खाद्यपदार्थको उपलब्धता सुनिश्चित गर्नुका साथै स्वास्थ्य र आर्थिक क्षति कम गर्न सहयोग पुग्ने बताउँदै सबै सरोकारवालाई आफ्नो जिम्मेवारीप्रति सचेत हुन आग्रह गरिन् ।
