काठमाडौं, १३ जेष्ठ । राष्ट्रिय मानवअधिकार आयोगको प्रतिवेदनले भदौ २३ को जेन-जी आन्दोलनमा निषेधित क्षेत्रमा रबरको गोली चलाउन आदेश दिइएको भए पनि धातुको गोली प्रयोग भएको उल्लेख गरेको छ ।
शव परीक्षण प्रतिवेदनअनुसार अधिकांशको मृत्यु धातुको गोली लागेर भएको आयोगले जनाएको छ । प्रतिवेदनअनुसार घटनामा १९ जनाको घटनास्थलमै मृत्यु भएको तथा घाइतेमध्ये थप २३ जनाको उपचारका क्रममा ज्यान गएको थियो ।
आयोगले कसको आदेशमा गोली चल्यो र कुन सुरक्षाकर्मीको गोलीबाट मृत्यु भयो भन्नेबारे गहिरो अनुसन्धान गरी कानूनी कारबाही गर्न सरकारलाई सिफारिस गरेको छ ।
आयोगले तत्कालीन गृहमन्त्री रमेश लेखक सहित नेपाल प्रहरी, सशस्त्र प्रहरी र राष्ट्रिय अनुसन्धान विभागका नेतृत्वलाई मानव अधिकार उल्लंघनको मुख्य जिम्मेवार ठहर गरेको छ ।
