काठमाडौं, ११ जेठ । कानून, न्याय तथा संसदीय मामिला मन्त्री सोबिता गौतमले संक्रमणकालीन न्याय (टीआरसी) सम्बन्धी बाँकी काम टुंगोमा पुयाउन सरकार पूर्ण रूपमा प्रतिबद्ध रहेको बताएकी छन् ।
प्रतिनिधिसभाअन्तर्गतको कानून, न्याय तथा मानवअधिकार समितिको बैठकमा बोल्दै उनले सबै राजनीतिक दलसँग सहकार्य गरेर टीआरसी प्रक्रियालाई निष्कर्षमा पुयाइने बताइन् ।
विस्तृत शान्ति सम्झौता भएको डेढ दशकभन्दा बढी समय बितिसक्दा पनि मानवअधिकार उल्लंघनका घटनाको छानबिन, बेपत्ता व्यक्तिको विवरण सार्वजनिक गर्ने लगायतका काम अझै पूरा हुन सकेका छैनन् ।
मन्त्री गौतमले हालसम्म संक्रमणकालीन न्यायका सन्दर्भमा भएका कामहरूको अभिलेखीकरण गर्ने कार्यसमेत अघि बढाइएको जानकारी दिइन् ।
