जनकपुर, १० जेष्ठ । जनकपुरका पूर्वसांसद उमाशंकर अरगरियाले नेकपा एमाले परित्याग गरेका छन् ।
जिल्ला नेतृत्वबाट पटकपटक अपमान भएको र केन्द्रले समेत कुनै पहल नगरेको भन्दै उनले साधारण सदस्यसमेत नरहने गरी राजीनामा दिएको बताएका छन् ।
२०७९ सालको निर्वाचनअघि केपी शर्मा ओलीको उपस्थितिमा एमाले प्रवेश गरेका अरगरिया धनुषा–२ बाट उम्मेदवार बनेका थिए ।
२०७४ मा संघीय समाजवादी फोरमबाट विजयी भएका उनी एमालेबाट भने लगातार दुई निर्वाचनमा पराजित भए । पछिल्लो उपनिर्वाचनमा समेत तेस्रो भएपछि उनले फेसबुकमार्फत पार्टी त्यागको घोषणा गरेका हुन् ।
