काठमाडौं, १० जेष्ठ । राष्ट्रिय स्वतन्त्र पार्टी (रास्वपा) ले पहिलो राष्ट्रिय महाधिवेशनको तयारीका लागि विस्तृत कार्यतालिका सार्वजनिक गरेको छ।
पार्टीको केन्द्रीय निर्वाचन आयोगले जिल्ला र प्रदेशस्तरीय निर्वाचन समिति गठनदेखि महाधिवेशन प्रतिनिधिको नामावली संकलनसम्मका कामहरूको समयसीमा तय गरेको हो।
रास्वपाको प्रथम महाधिवेशन आगामी असार ७, ८ र ९ गते चितवन मा हुने तय भएको छ। कार्यतालिकाअनुसार जेठ १५ भित्र ७७ जिल्लामा निर्वाचन समिति गठन, जेठ ३० भित्र जिल्ला अधिवेशन प्रतिवेदन पेश तथा असार ५ भित्र प्रदेशबाट निर्वाचित पदाधिकारीहरूको विवरण बुझाइसक्नुपर्नेछ।
महाधिवेशन तयारीमा इलेक्ट्रोनिक भोटिङ मेसिन प्रयोगको विषयलाई समेत प्राथमिकतामा राखिएको छ। केन्द्रीय निर्वाचन आयोगका उपप्रमुख राम गुरुङ ले प्रदेश र जिल्ला नेतृत्वलाई कार्यतालिका अनुसार काम सम्पन्न गर्न निर्देशन दिएका छन्।
