काठमाडौं, ६ जेष्ठ । वैदेशिक रोजगार क्षेत्रमा भइरहेको कडाइ र कारबाहीका कारण म्यानपावर व्यवसायीहरू असन्तुष्ट देखिन थालेका छन् ।
पछिल्ला दिनमा अवैध शुल्क असुली र ठगीसम्बन्धी घटनामा सरकारले निगरानी तथा पक्राउ अभियान तीव्र बनाएपछि व्यवसायीहरूले दबाब बढेको गुनासो गरेका छन् ।
सप्तरीका एक युवक मलेसिया जान सरकारको “फ्रि भिसा, फ्रि टिकट” नीतिअनुसार ७० हजार रुपैयाँ तिरे पनि म्यानपावरले ३ लाख रुपैयाँ मागेपछि उडान रोकिएको घटनापछि अनुसन्धान अघि बढेको थियो ।
यस क्रममा ठगी आरोपमा केही व्यक्तिहरू पक्राउ समेत परेको छ । युवा तथा श्रम मन्त्रालयले भने कारबाहीलाई “धरपकड” नभई कानुन कार्यान्वयनको नियमित प्रक्रिया भएको स्पष्ट पारेको छ ।
सरकारले तोकेको सेवा शुल्कभन्दा बढी रकम असुल्ने वा कागजात नियन्त्रणमा राख्ने जस्ता गतिविधिमा संलग्नलाई कारबाही गर्ने अडान दोहो¥याइएको छ । व्यवसायी पक्षले भने नीतिगत अस्पष्टता र व्यवहारिक कठिनाइका कारण काम गर्न कठिन भइरहेको दाबी गर्दै सरकारको कडाइले उद्योगमै दबाब बढेको बताए ।
