काठमाडौं, १४ वैशाख । अर्थ मन्त्रालयको आर्थिक स्थितिपत्रले स्वदेशमा पर्याप्त रोजगारी अवसर नहुँदा वैदेशिक रोजगारीप्रति निर्भरता बढिरहेको देखाएको छ ।
प्रतिवेदनअनुसार बेरोजगारी दर १२.६ प्रतिशत रहेको छ भने आर्थिक वर्ष २०८१÷८२ मा मात्रै ८ लाख ३९ हजार नेपालीले वैदेशिक रोजगारीका लागि श्रम स्वीकृति लिएका छन् ।
वैदेशिक रोजगारीबाट प्राप्त विप्रेषणले अर्थतन्त्रमा केही राहत दिएको भए पनि दीर्घकालमा दक्ष जनशक्ति अभाव र मानव पूँजी क्षयको जोखिम बढाएको मन्त्रालयले जनाए ।
सरकारले स्वदेशमै पर्याप्त र मर्यादित रोजगारी सिर्जना गरी बाध्यात्मक वैदेशिक रोजगारी घटाउनुपर्ने आवश्यकता औंल्याएको छ ।
