काठमाडौँ, १३ बैशाख । बुटवलस्थित उच्च अदालतको अतिक्रमणमा परेको सरकारी जग्गा खाली गराउने कार्य आइतबार बिहानदेखि सुरु गरेका छन् ।
बिहान करिब १० बजेदेखि डोजर परिचालन गरी त्यहाँ बनेका टहरा, पसल तथा अन्य अस्थायी संरचना हटाउन थालिएको हो ।
बुटवल उपमहानगरपालिकाले उच्च अदालतको अनुरोधअनुसार बुटवल–४ स्थित जेसिज चोकको उत्तरतर्फ रहेको सरकारी जग्गा खाली गराउने अभियान अघि बढाएको बताए । डोजर चल्ने सूचना पाएपछि स्थानीय व्यवसायी र संरचना निर्माण गरेका व्यक्तिहरू बिहानैदेखि सामान सार्न र स्थान खाली गर्न जुटेका थिए ।
उक्त क्षेत्रमा लामो समयदेखि घरटहरा, पसल तथा विभिन्न संघसंस्थाका भवन बनाएर सरकारी जग्गा प्रयोग हुँदै आएको बताइएको छ । उपमहानगरपालिकाले सार्वजनिक सम्पत्तिको संरक्षण गर्ने उद्देश्यले अतिक्रमण हटाउने अभियान सुरु गरेको स्पष्ट पारेको छ ।
यसअघि पनि सो जग्गा संरक्षणका लागि विभिन्न प्रयासहरू भए पनि कार्यान्वयन हुन सकेको थिएन । तर यसपटक भने डोजर परिचालनसँगै अतिक्रमण हटाउने काम तीव्र रूपमा अघि बढेको छ, जसले क्षेत्रको गतिविधि समेत बढाएको छ ।
