काठमाडौं, १० वैशाख । काठमाडौं उपत्यकामा वायु प्रदूषण आज गम्भीर रूपमा बढ्दै ‘निकै अस्वस्थ’ तहमा पुगेको छ ।
बिहान गरिएको मापनअनुसार वायु गुणस्तर सूचक (ब्त्तक्ष्) २४७ सम्म पुगेको थियो । स्विट्जरल्याण्डस्थित आईक्यू एयरको रियल–टाइम तथ्यांकअनुसार हालको प्रदूषण स्तर मानव स्वास्थ्यका लागि उच्च जोखिमयुक्त मानिन्छ।
२०१ देखि ३०० सम्मको ब्त्तक्ष् ‘निकै अस्वस्थ’ श्रेणीमा पर्छ, जसले विशेष गरी बालबालिका, वृद्ध र दीर्घरोगीलाई असर पार्न सक्छ। यसैबीच, विश्वका सबैभन्दा प्रदूषित देशहरूको सूचीमा नेपाल दोस्रो स्थानमा रहेको छ भने पाकिस्तान पहिलो स्थानमा छ ।
काठमाडौं उपत्यकामा अहिले बाक्लो धुवाँ र तुवाँलो देखिएको छ । नेपाल सरकारले निर्धारण गरेको मापदण्डअनुसार ब्त्तक्ष् ०–५० राम्रो, ५१–१०० मध्यम, १०१–१५० संवेदनशील समूहका लागि अस्वस्थ, १५१–२०० अस्वस्थ, २०१–३०० निकै अस्वस्थ र ३०१ भन्दा माथि खतरनाक मानिन्छ ।
