काठमाडौं, २९ चैत । उत्कृष्ट लयमा रहेका ओपनरले प्रधानमन्त्री कप एकदिवसीय क्रिकेटको जारी संस्करणमा दोस्रो शतक प्रहार गरेका छन्।
उनको अविजित १०३ रनको मद्दतमा गण्डकी प्रदेशले लुम्बिनी प्रदेशलाई ८ विकेटले पराजित गरेको छ।
लुम्बिनीले पहिले ब्याटिङ गर्दै दिएको २०७ रनको लक्ष्य गण्डकीले ४४.१ ओभरमा २ विकेटको क्षतिमा पूरा गर्यो।
ओपनर कुमाल र सिब्रिन श्रेष्ठले पहिलो विकेटका लागि ९५ रनको साझेदारी गर्दै टोलीलाई बलियो सुरुवात दिलाएका थिए। कुमालले १३० बलमा १३ चौका र १ छक्का प्रहार गरे भने सिब्रिन ४३ रन बनाएर आउट भए।
यस संस्करणमा कुमाल सर्वाधिक रन बनाउने सूचीको शीर्ष स्थानमा छन्। उनले यसअघि कोशीविरुद्ध १०२ रनको शतकीय पारी खेलेका थिए ।
