काठमाडौँ, ७ चैत । देशभर शुक्रबार अपराह्नदेखि हावाहुरी, चट्याङ र असिनासहित भारी वर्षा भएको छ ।
विशेषगरी बागमती र लुम्बिनी प्रदेशमा भीषण हावाहुरीका कारण दिउँसै अँध्यारो बनेको थियो भने पश्चिमी हिमाली क्षेत्रमा हिमपातसमेत भएको छ ।
जल तथा मौसम विज्ञान विभाग का अनुसार मकवानपुरगढी मा ६ घण्टामा सबैभन्दा बढी ४६.४ मिमि वर्षा भएको छ । बबरमहल मा एक घण्टामै २०.४ मिमि वर्षा रेकर्ड गरिएको छ ।
अन्य स्थानहरूमा पनि उल्लेखनीय वर्षा मापन गरिएको छ । वरिष्ठ मौसमविद् वरुण पौडेल का अनुसार पश्चिमी वायुमा न्यूनचापीय प्रणाली र स्थानीय वायु सक्रिय हुँदा यस्तो मौसमी अवस्था देखिएको हो । आज पनि मध्य र पूर्वी नेपाल केन्द्रित वर्षा जारी रहने सम्भावना रहेको छ ।
