सिरहा, २० फागुन । जनता समाजवादी पार्टी नेपाल (जसपा) का सिरहा–३ का उम्मेदवार अशेश्वर यादव रकमको वैधता पुष्टि भएपछि हिरासतबाट मुक्त भएका छन् ।
मौन अवधिमा नेपाल–भारत सीमाक्षेत्र अन्तर्गत माडरबाट ४ लाख ८७ हजार रुपैयाँसहित पक्राउ परेका यादवलाई अनुसन्धानपछि जिल्ला प्रहरी कार्यालय सिरहाले रिहा गरेको हो ।
यद्यपि, गाडीमा निर्वाचन सामग्री बोकेको विषयमा निर्वाचन कार्यालयले उनीसँग स्पष्टीकरण मागेको जनाएको छ । पक्राउ परेका अन्य चार जनाबारे भने थप अनुसन्धान भइरहेको छ ।
