जनकपुर, ९ फागुन । गत फागुन ७ गते गौरमा दुई समुदायबीच सुरु भएको सामान्य भनाभन तीन दिनमै उग्र साम्प्रदायिक दंगामा परिणत भएको छ ।
तोडफोड, आगजनी र ढुंगा हानाहान बढेपछि प्रशासनले कफ्र्यु आदेश जारी गरेको छ । दंगाका क्रममा गौरका विभिन्न वडामा चार मस्जिदमा आगजनी÷तोडफोड, ९ सवारी साधन पूर्णरूपमा जलेर नष्ट र ३ सवारी साधन तोडफोड भएका छन् ।
घटनामा ७ जना घाइते भएका छन्, जसमा २ जना प्रहरी कर्मचारी पनि छन् । प्रशासनले दंगा भड्काएको आरोपमा जनमत पार्टी का नेता शेख जमशेद सहित करिब २० जनालाई नियन्त्रणमा लिएर अनुसन्धान गरिरहेको छ ।
नेपाल प्रहरी र सशस्त्र प्रहरीको अतिरिक्त परिचालनसहित सुरक्षा व्यवस्था कडा बनाइएको छ । प्रशासनले संयमित रहन र अफवाहमा नपर्न अपिल गरेको छ ।
