काठमाडौ, ८ फगुन । आईसीसी टी–२० विश्वकप अन्तर्गत शुक्रबार समूह चरणको अन्तिम खेलमा अस्ट्रेलिया र ओमान आमनेसामने हुँदैछन् ।
समूह ‘बी’बाट दुवै टोली यसअघि नै बाहिरिसकेका छन् । खेल शुक्रबार साँझ ७ः१५ बजे पालिखेल अन्तर्राष्ट्रिय क्रिकेट मैदान, श्रीलंकामा हुनेछ ।
दुई खेल हारेको अस्ट्रेलिया र लगातार तीन खेलमा पराजित ओमानबीचको यो खेल प्रतिष्ठाको लडाइँका रूपमा हेरिएको छ । ओमानले विश्वकपमा अहिलेसम्म जितको खाता खोल्न सकेको छैन ।
