काठमाडौं, ७ फागुन । आज काठमाडौँको टुँडिखेलमा विशेष समारोहका साथ राष्ट्रिय प्रजातन्त्र दिवस मनाइएको छ।
राष्ट्रिय प्रजातन्त्र दिवस मूल समारोह समितिले आयोजना गरेको कार्यक्रममा झाँकी, मार्चपास, नृत्य तथा साङ्गीतिक प्रस्तुति गरिएको थियो।
बिहीबार बिहान सैनिक मञ्च टुँडिखेलमा आयोजित समारोहमा राष्ट्रपति रामचन्द्र पौडेल प्रधानमन्त्री सुशीला कार्कीसहित सहभागी भएका थिए।
सेनाले राष्ट्रपतिको सम्मानमा सलामी अर्पण गरेको थियो। समारोहमा रामसहायप्रसाद यादव, सुशीला कार्की, नारायणप्रसाद दाहाल, मन्त्रीहरू, नेपालस्थित कूटनीतिक नियोगका प्रतिनिधि तथा विशिष्ट व्यक्तिहरूको उपस्थिति रहेको थियो।
दिवसका अवसरमा आज सार्वजनिक बिदा दिइएको छ।
