जनकपुर, ६ फागुन। नेपाली कांग्रेस धनुषा क्षेत्र नं.-४ मा राजनीतिक गतिविधि थप सक्रिय बन्दै गएको छ।
सोही क्रममा नेकपा एमाले परित्याग गरी नेपाली कांग्रेसमा प्रवेश कार्यक्रम सम्पन्न भएको छ।
कार्यक्रममा नेपाली कांग्रेस धनुषा क्षेत्र नं.–४ का प्रतिनिधि सभा सदस्य पदका उम्मेदवार महेन्द्र यादव, नेपाली कांग्रेस धनुषाका जिल्ला सभापति योगेन्द्र पजियार, क्षिरेश्वरनाथ नगरपालिका वडा नं. २ का वडा अध्यक्ष देबु यादव, वडा नं. ४ का वडा अध्यक्ष जगदिस यादव, वडा नं. १० का वडा अध्यक्ष राम पदारथ यादव, वडा नं. १ का नेता धनराज यादव तथा लक्ष्मिनिया गाउँपालिका वडा नं. ५ का वडा सभापति फुलगेन यादव लगायतका नेताहरूको विशेष उपस्थिति रहेको थियो।
क्षिरेश्वरनाथ नगरपालिकाका नगर प्रमुखका भान्जा तथा लक्ष्मिनिया गाउँपालिका वडा नं. ५ निवासी डा. मनिस चन्द्र यादव ले नेपाली कांग्रेसको बढ्दो जनलहर, संगठनको मजबुती र जनविश्वासलाई आत्मसात गर्दै विधिवत रूपमा नेपाली कांग्रेस पार्टी (गाछी छाप) मा प्रवेश गर्नुभएको हो।
पार्टी प्रवेश कार्यक्रममा उपस्थित नेताहरूले डा. यादवको प्रवेशले स्थानीय तहमा नेपाली कांग्रेसको संगठन थप सशक्त बन्ने विश्वास व्यक्त गर्दै आगामी निर्वाचनमा पार्टीलाई निर्णायक जित दिलाउन उहाँको भूमिका महत्वपूर्ण रहने बताएका छन ।
