काठमाडौँ, ६ फागुन । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरी आइसिसी टी–२०आई अलराउन्डर वरियताको चौथो स्थानमा उक्लिएका छन् ।
आइसिसीले बुधबार सार्वजनिक गरेको नयाँ वरियताअनुसार उनी छैटौँ स्थानबाट दुई स्थान सुधार गर्दै चौथो स्थानमा पुगेका हुन् । टी–२० विश्वकपमा देखाएको प्रभावशाली प्रदर्शनपछि उनको रेटिङ अंक २०२ बाट बढेर २४४ पुगेको छ ।
वरियताको शीर्ष स्थानमा पाकिस्तानका सयम अयुब छन्। दोस्रोमा जिम्बाब्वेका सिकन्दर राजा र तेस्रोमा भारतका हार्दिक पाण्ड्या यथावत् छन् ।
