जनकपुर ६ फाल्गुन । धनुषा निर्वाचन क्षेत्र नं. ४ मा आयोजित विशेष कार्यक्रममा जनकपुर–१३ का विभिन्न दल परित्याग गरी स्थानीय युवाहरू, बुद्धिजीवी तथा समाजसेवीहरू नेपाली कांग्रेसमा प्रवेश गरेका छन् ।
नेताहरूको उपस्थितिमा सम्पन्न उक्त पार्टी प्रवेश कार्यक्रम उत्साहपूर्ण र भव्य रहेको थियो । पार्टी प्रवेश गर्नेहरूलाई धनुषा क्षेत्र नं. ४ का प्रतिनिधिसभा उम्मेदवार महेन्द्र यादव, समानुपातिक उम्मेदवार डा. चन्द्रमोहन यादव, पुर्ब मन्त्री शेषनरायण यादबले खादा, अबिर र शुभकामनासहित पार्टीमा स्वागत गरेका थिए ।
कार्यक्रममा बोल्दै नेताहरूले नेपाली कांग्रेस लोकतन्त्र, समावेशिता र सामाजिक न्यायको पक्षमा दृढतापूर्वक उभिएको पार्टी भएको बताए ।
उनीहरूले मधेसको विकास, रोजगारी सिर्जना, शिक्षा, स्वास्थ्य र सामाजिक सद्भावलाई प्राथमिकतामा राखेर कांग्रेस अघि बढिरहेको उल्लेख गर्दै नवप्रवेशीहरूलाई संगठन विस्तारमा सक्रिय भूमिका निर्वाह गर्न आग्रह गरे ।
