काठमान्डौँ, ५ फागुन । क्लोथ बैंक नेपाल र नेपाल–भारत खुला सीमा संवाद समूहको सहकार्यमा मिथिला मध्यमा परिक्रमा (मानव महाकुण्ड) अवसरमा साधु–सन्त, महन्थ, श्रद्धालु तथा तीर्थयात्रीहरूका लागि हेल्प डेस्क सञ्चालन गरिएको छ ।
जनकपुरधामबाट सुरु गरिएको हेल्प डेस्कमार्फत निःशुल्क स्वास्थ्य शिविर, शुद्ध पिउने पानी, प्राथमिक उपचार र औषधि वितरणजस्ता सेवा उपलब्ध गराइएको छ ।
आयोजकका अनुसार हालसम्म एक हजारभन्दा बढी सेवाग्राही लाभान्वित भइसकेका छन् । परिक्रमा मार्गका नेपालतर्फ पर्ने सबै बासास्थलहरूमा शिविर सञ्चालन गरिने जनाइएको छ । कार्यक्रममा राम अशिष यादव लगायत सामाजिक, राजनीतिक तथा बुद्धिजीवी व्यक्तित्वहरूको सहभागिता रहेको थियो ।
